Kembang Rampé
nunas tulung ring jeroné, wekasan tiang ngapuriang, aturang jagi tangkil ring ida sang Prabu!"
Masaut parekané, "inggih mangda becik antik tiang ngaturang ring Ida Sang Prabu, jeroné sapasira?"
"Aturang tiang I Pucung saking Banjar Kawan!" Majalan lantas parekané ento ngapuriang matur ring ida sang Prabu, "nawegang titiang mamitang lugra ring palungguhan cokor I Déwa, puniki wénten kaulan palungguh cokor I Déwa saking Banjar Kawan, ipun jagi tangkil ring palungguhan cokor I Déwa". Ngandika Ida Sang Prabu "I Pucung ento apa koné ada buatanga ia tekén nira?"
Parekanné gelis matur indik I Pucung. Sang Prabu ngandika "lamun kéto, tundén suba ia mai!" Ngajabaang lantas parekané ngorahin I Pucung tundéna ngapuriang. Majalan lantas I Pucung ngapuriang. Sasubané néked ditu, lantas ia mamitang lugra ring Ida Sang Prabu.
"Ih to iba Pucung, ada apa buatang iba mai?"
Matur I Pucung, "inggih matur sisip titiang Ratu Déwa Agung, wénten tunasang titiang ring cokor I Déwa".
"Nah apa Pucung?"
"Inggih sapunapi mawinan ipun pantuné sané wau embud dados ipun puyung, kalih asuné wau lekad dados ipun buta?"
Ngandika ida sang Prabu, "ento kénkén nyén kadén mawinan, nira sing pesan nawang. Men yan cai, kénkén awananné dadi kéto?'
"Antuk punika taler tankamanahantuk titiang. Nanging yan banggayang cokor I Déwa asapunika kawentenanné, kamanah antuk tiang gelis jaga rusak jagat druéné."
"Men jani kénkén ben madaya, mangdé guminé tusing uug?"
"Inggih yan manah titiang tambet, becik mangkin karyanang banten panéduh aturang ring ida Batara Dalem. Manawi wénten kasisipan palungguh cokor I Déwa wiadin
74
