Kesusastran Bali Purwa
dadi ucapan.
Akéto temuna anaké sugih tur demit tan paundukan, buin loba tekén gelah timpal, mabudi magegaénan apang payu, kasugihané apang tileh, kéné jani tepukin.
13. I Pucung
Kacerita di Banjar Kawan, wewengkon Koripan ada anak pacul ngelah pianak mani adiri madan I Pucung. Gagaéné I Pucung sing lénan tekén mapikat dogén di umanné, nangingké nyalah utu pesan tangkepné mapikat, di masan padiné mara embud. Dadi sing pesan koné ia taén maan kedis, wiréh sing ada kedis ngalih amah. Makelo-kelo med koné ia mapikat. Jani demen koné ia tekén kuluk. Lantas la nagih konyong sig pisagané. Begbeg konyong ané mara lekad dogén nagih idiha. Déning konyong ané nagih idiha nu cerik buina tondén kedat, kadéna konyong ento buta, dadi gedeg koné ia, wiréh makejang kenehné tuara ada maisi. Uli sekat ento tusing pesan koné ia taén kija-kija buin, begbeg nyingkrung dogén jumahné. Ping kuda-kuda kadén suba bapanné nglémékin, apang ia nyak nulungin ka carik, nanging masih tusing ia nyak. Laksanan pianakné ngranaang bapanné gedeg, nanging ia tusing bani nigtig wiadin ngwelin I Pucung, krana ia suba kelih. Depina dogén koné ia jani, pragat néngnénga dogénan tekén bapanné.
Makelo-kelo demén koné ia tekén anak luh, nanging gedé pesan kenehné, nget putran ida sang Prabu Koripan koné demenina. Budi kenehné orahanga tekén bapanné sing koné ia juari, déning ia suba ngasén tekén déwék gedeganga. Dadi ibuk pesan kenehné I Pucung ngenehang ida Radén Galuh, mabudi ngalih ka puri tusing bani. Jani ngaé koné ia daya, mangda ia nyidaang makatang Radén Galuh.
Sedek dina anu, ka puri koné ia tangkil ring ida sang Prabu. Di mara ia naked di bancingah, ada tepukina parekan ditu lantas ia ngomong, "ih jero parekan, nawegang tiang
73
