Kembang Rampé
pada pragat, lantas Pan Angklung Gadang ngomong tekén kurenanné, "méménné, né lawar wadahin cubek, kema pejang di langgatan paoné!" Né nasiné telung sok, kema pejang di langatan mambengé! Né jukut pejang di tengah glebegé!"
Né jani ceritaang anaké masangkepan di balé banjaré, suba uling tuni nuduk putra dedandanan, ento suba pragat makejang. Sakéwala jani nu ngremugang unduk utang Pan Angklung Gadang, sawiréh jani sengkerné mungkah. Nanging ia tusing ada teka mai kasangkepan, "mén jalan suba jani kema barengin ajak banjaré ngadep umah Pan Angklung Gadangé".
Déning kéto, makejang adung paremugan krama banjaré, lantas mrérod pada teka kaumah Pan Angklung Gadang. Jero Kelian paling malu capatina tekén Pan Angklung Gadang. "Wau rauh nika Jero Kelian, durusang drikaang mlinggih! Niki jero krama banjar wau rauh nika sareng sami? Krama banjar wau rauh nika sareng sami?".
Krama banjaré makejang pada masaur, "inggih, tiang mara teka". Nah suba koné kéto, lantas Jero Klian nlantarang unduk tekén krama banjaré, "nah, Bapa Angklung Gadang, Bapa mutrain pipis banjar buatan siu. Sawiréh bapa tusing mayah-mayah putra, jani suba kanti nikel ina, dadi duang tali. Déning né malu umah Bapa angon Bapa kantah, jani umah Bapané lakar adep icang. Nyén je pilih tunggal kramané bani meli aji duang tali, ia ngelahang umah Bapané."
Mara kéto dingeha pisedek Jero Klian, lantas Pan Angklung Gadang bengong masebeng kangen, tur cengeh-cengeh mangenang lacurné, lantas ia ngomong, "inggih Jero Klian, tiang nawegang nunas sisip ring jeroné, yening wantah jeroné ledang, tiang nunas patanggeh asasih kéwanten. Ring sangkepané malih apisan irika tiang naur sami," kéto pinunas Pan Angklung Gadang. Jero Klian lantas ngremugang tekén kramané. Krama banjaré makejang tuara lega.
Déning suba tuara kaleganin ban banjaré, Pan
70
