Kembang Rampé
Takut tekén naga. Ida Anaké Agung mara mireng orta dogén suba Ida ngetor, kalingké ngaksinin, meh Ida lemet prajani. Kapangandikaang lantas I Raréangon ngediang nagané ento. Budal lantas I Raréangon negakin naga. Teked jumahné nagané ento lantas pastuné tekén kurenanné, dados lu.
Kacerita Ida Anaké Agung angob pesan tekén kasktian I Raréangon, dadianya mawuwuh-wuwuh sangit kayun Idané. Buin maniné lantas I Raréangon kandikaang ngalih tabuan sirah. Ditu lantas kurenanné ngadaang tabuan sirah amun guunganné gedén umahné, buin sedeng emben, pagrieng inané galak-galak. Ento koné téngténga tekén I Raréangon abana ka puri. Suba teked di puri, pesu makejang inan tabuané, saha ngarebut ngacelin Ida Anaké Agung. Ida AnakéAgung lantas nyele ati, anggan Idané beseh maka
ukud. Suba suud ngacelin, tabuané lantas nambung. Payu nrampa Ida Anaké Agung ka pamreman, nglatnas Ida tuara éling-éling tekén raga. Buin maniné lantas Ida néwata. Muung tangisé di jero puri, tan papegatan.
Ditu lantas I Raréangon ka puri ngalih I Lubangkuri. Tur lantas ajaka mulih kumahné, ia lantas anggona kurenan.
Kacerita sapanéwatan Ida Anaké Agung, kasub pesan kasaktian I Raréangon, lantas I Raréangon kaadegang agung baan panjaké.
10. I Bawang tekén I Kesuna
Ada tuturan-tutuan satua mén Bawang ngelah koné pianak tetelu pada luh-luh. Ané kalihan madan I Bawang, né Nengahang madan I Kesuna, né paling cerika madan I Cunguh.
Sedek dina anu, méméné luas koné ka peken, pianakné I Bawang tekén I Kesuna tundéna nebuk. Di subané majalan, ngomong I Bawang tekén I Kesuna, "Kesuna Kesuna, dong tuunang padiné!"
"Tuunang ja malu, nyanan oké ngetepin!" Lantas
