Kembang Rampe
ne I Cekcek.
Gelising tuturan satua jani teka dina pasubayan, tusing makelo I Kidung lantas teka tur ngomong, "ih Cekcek, jani suba payu muber-uberan.
Masaut I Cekcek, "nah payu, sakewala jalan ngawitin uli di punyan kayune."
"Jalan," keto I Kidang. Dening keto madabdaban lantas I Cekcek tur ngingetang parembugan sane karincikang ibiane. Jani malaib lantas I Kidang tur kauk-kauk, "ih Cekcek cai dija?"
Masaut I Cekcek ane ditampule, "kai di tampule Kidang." Nah jani buin mlaib mlipetan. Ngulahang pesan I Kidang malaib kanti bungkut-bungkut dewekne. Keto masih mara das neked di punyan kayune, makaukan lantas I Kidang"neked dija cai Cekcek?"
Masaut I Cekcek dipunyan kayune "kai suba dini di punyan kayune. Di subane I Kidang neked di punyan kayune, ngomong lantas I Cekcek "ih Kidang jani sawireh makapindo iba kalah mlomba men kenken iba inget teken pasubayane?"
Masaut I Kidang, nah cai Cekcek, kai inget pesan teken janji, dening kai saja kalah baan iba, da iba nampah kai. Cendek ne kai ngidih tempo teken iba. Nah Cekcek mani puan kai mati dinumitis kaine bin cepok, kai manadi siap biing selem manyananan, tur yen cai mati, di subane cai numitis, manadi siap buik kuning rajah, kebek, ditu mara patut cai ngalap jiwan kaine."
Keto pasubayan I Kidang teken I Cekcek krana I Cekcek sing ja payu nampah I Kidang dugase ento.
Keto katuturan siape biing kakalahang siap buik kuning rajah kebek di patajenan. Don klampuak don kunyit, satua bawak buin kincit.
24
