Kesusastran Bali Purwa
Indaang jani dini pesuang karirihan ibane, apang kainawang!" Keto pamunyin I Kidang, lantas masaut I Cekcek "nah iba kidang, bas liwat-liwat iba nyakitin kuping pamunyin ibane teken kai. Kene sujatin kaine, saking kai mabudi nawang karirihan ibane."
Mara keto munyin I Cekcek, lantas masaut I Kidang, Ih iba Cekcek, lamun iba mabudi nawang karirihan kaine, jalan jani magangsar-gangsaran mlaib, tur na tampul umah pasangkepane anggo pasuryakan, nyenja maluan neked di tampule ne ia menang. Tur nyanan awake kalah lautang awake tampah ajak nyaman ibane makejang!.
Dening keto munyine I Kidang, lantaa masaut I Cekcek "nah kidang yen bantes keto, kai nandingin karirihan nandingin iba jani, ane buin mani kawitin patandingane." Keto munyi I Cekcek, lantas i Kidang nyak ajaka buin manine matanding.
Kacerita jani dening suba pragat pasubayane, lantas I Cekcek makeneh-keneh kene kenehne. Beh jani kenkenang ban nayanang, dening ia mula gancangan malaib. Ah melah jani kene abetne melahang alih timpale, kumpulang makejang, ditu I Cekcek lantas ngatag timpalne makejang. Buin kejepne teka Iantas timpalne makejang, lantas ngomong I Cekcek teken timpalne, "ih cai ada jani beli kene teken cai, sawireh beli ane buin mani, lakar malomba ajak I Kidang, maparsuryakan tampul umah pasangkepe, nyen maluan teked di tampul umahento ane menang.
Dening I Kidang mula gancang melaib yen jani tusing indrajalaang, janten beli kalahanga. Isin pasubayane, nyen kalah lakar matampah. Yen kalah ban I Kidang, jalan tampah ajak makejang, dening I Kidang masubaya keto. Cendekne jani kene dayan beline, cai cekcek dini nongos di tampulebeli nongos di punyan kayune di lakar tongose nyumunin malaib. Yan pradel Kidang makaukan lantas cai mesaut. Keto masi di mlipetane beli nyauutin pakaukanne I Kidang. Keto prembug
23
