Kembang Rampe
61. Kulak-kulik di batan padi,
godel kidang di luan meten.
Cerik-cerik cara jani,
tonden bajang suba nganten.
62. Ngabut lambon ngaba sidi,
ngarit ambung ia maserod.
Lamun tuon teken janji,
manis galungan mangrorod.
63. Kaden poh kuning-kuning,
manas ko kapelut.
Kaden poh kenying-kenying,
anak rengas buin celut.
64. Cotek amah siap,
meli cacah di Sidatapa.
Saling cotek aji paliat,
magesah sing maan apa.
65. Tepung ketan-tepung ketan jaja uli,
nasi anget-nasi anget mawadah piring,
Kepung tiang-kepung tiang uli duri,
tunggal inget-tunggal inget makita ngeling.
66. Galungan Kuningan,
sate kuung apit babi.
Aturang uningang,
tiang buung dadi rabi.
67. Ngalap buni ngaba bawang,
ngulat tapis empis-empisin.
Anak jani tuara tawang,
ulat manis memanesin.
14
