Kembang Rampé
goyala koné tekén putrané makatetiga sambil nangis. Disubané ida éling, patiptipa koné ida aturina bubuh, tumuli ida ngandika, "éh, jero, jero olas tani olas jeroné ngidupang tiang sukaan tiang mati tekén idup, kéné nemu sengsara. Mara kéto pangandikan idané, lantas ida Radén Mantri makakalih matur, nguningang indik idané uling pangawit kanti kayang jani. Ditu lantas ida praméswari kalintang suka, réh suba kapanggihin tekén putra sami, dadi lén-lén awai ida sayan kénak, tur ragan idané enggal pulih waluya jati buka ané suba-suba. Di subané kéto, lantas ida Radén Mantri makakalih ngaturang surat ka puri, daging suraté nangtangin sang Prabu mayuda. Ngwacén daging surat, dadi sang Prabu menggah piduka, lantas ia ngandikain para patih nauhin kaula lakar ngrejek I Radén Mantri. Di subané kumpul para kaulané, lantas Radén Mantri rejeka si pesisi. Ida Radén Mantri sareng kalih, lantas manahang gadungé sané kaaturin I Dukuhé. Makejang wang Daané miwah sang
Prabu mategul. Wireh perangé suba suud, Radén Mantri makekalih ka purian, dapetanga I Limbur sedek negak di ambén. Ditu lantas I Limbur katebek aji don lalangé, kasempal-sempal, tur kaentungan di pangkungé. Bangkéné kaamah olih cicingé kanti telah.
Ditu lantas sang Prabu ngidih urip tekén Radén Mantri lantas sang Prabu muah kaulané makejang kakelésin. Disubané keles, lantas sang Prabu ajaka menék ka prauné tekén Radén Mantri makakalih. Di duur prauné, dapetanga Sri Prameswari sedek malinggih sareng Radén Galuh. Sang Prabu nyaup rabiné, nanging ida Sri Praméswari bendu tur matbat ida sang Prabu. Nyingak unduké buka kéto, Radén Mantri né duuran matur ring ida sang Prabu, "inggih Ratu
sang Prabu, dados cokor I Déwa jag nyuap anaké punika, sapesira se punika, kadén punika anaké sané nyuun tain siap ambul kuskusané?" Derika sang Prabu nyelselang raga, déning kalinyok kayuné nglinggihin atur I Limburé. Nyingak
