Kembang Rampé
tur mamisuh-misuh, “dong cacing-cacingan manusané, dadi bani ja mutekang yéh pasiraman ida Pranda?”
Mara kéto abet i panyeroan, masaur lantas ida Betara Guru, "ih iba jlema corah, ento belingan ibané pagaén ajaka dadua. Dadi iba tusing ngelah kimud tekén Pranda Sakti?" Mara kéto pangandikan ida Betara, lantas ngénggalang i panyeroan ka patapan matur tekén ida Pranda, nguningang anaké cerik ento ngubek yéh tur matbat déwék ipun. Déning kéto duka ida Pranda, lantas ida ngarad gamangé di Pulaki, apang ngrejek anaké cerik. Pasrenab lantas gamangé pada nyikep ngalih anaké cerik. Ida Betara Guru lantas musna, awanan tusing tepukina anaké cerik. Lantas mlipetan koné buin gamangé.
Kacerita i panyeroan, ada koné anak néménin. Tur lantas ia makurenan. Kasuén-suén bélingné i panyeroan lekad, pianakné muani, nanging tuah asibak, adaniné I Raré Sigaran.
Gelising satua, kacerita ida sang Prabu di Négara Yodia ngadakang ramé-ramé, gong, muah igel-igelan. Dugasé ento Mén Raré Sigaran makénéh mabalih, lantas ia ngomong tekén kurenanné, "Bapanné! Icang mabalih nah? Bapanné men ngajak i cening jumah. Yan cening nagih mabalih, da pesan baanga! Icang kimud ngelah panak tuah asigar," kéto abetné Mén Sigaran. Raris kurenané ngempu jumah. Mén Raré Sigaran lantas majalan.
Kacerita suba ia néked di pabalih-balihan. Anaké mabalih jejel tawanga, sawetara ada jlema duang tali. Makapeteng koné Mén Raré Sigaran mabalih ditu.
Kacerita jani I Raré Sigaran di jalan, suba koné ia teked di pabalih-balihan, jeg nyluksuk ka tengah ngalih-alihin méménné.
Suba nyidayang teked di tengah kalanganné ditu ia kedardar-kedordor ningal-ningalin méménné, nanging tuara tepukina. Déning kéto paundukan Raré Sigarané, ditu lantas
122
