Kesusastran Bali Purwa
ditu ada pancoran Sinduratna, kema ditu panjusang ibané, lamun suba lekas kules cainé né, duduk aba mai!”
Nah suba jeni kéto, gelising satua, énggal kema koné ia manjus sig pasiraman idané Betara Surya, sig pancurané telung dasa tembaga, kekuningan, sekancan totonan tur pada bungah masoca inten mirah manik, sekancan sasocan ada ditu buina yéhé muarna éndah pada ening pesan, ento koné pepeda uli tanggu kauh baana manjusin nganti teked di tangguné badangin. Pragat ia manjus dadi kelés kulesné, genép cara-caraning manusa ukudanné jani tur bagus alep buka Rejunané. Toliha awakné suba melah, suba genép lantas duduka kulesné abana buin nangkil ring Ida Betara. Ida Betara Surya ngandika, “nah ento sing luung suba cai? Kema jani cai mulih ka lemah! Lamun cai predona baan mémén
cainé, edéngang kules cainé! Jani apang melah cai mabikas, sing buungan cai sadia. Kema cai ngortaang pangandikan bapa, mani-mani yan ada anak luh langgana buin akéto nungging-nunggingin, kena sapa baan déwa, wastu ngelah pianak salah, salah wetu, salah rupa, malapataka. Yan ada anak luh kalaning camah, ngulunggang ngutang camahné di marga agung, kena sapa ban Betara Surya. Wastu sing dadi menyah, kasakitan ban raré. Patutné anaké luh camah, yatna ngutang camahné, pangda di jalan-jalan manongos, ngawé punah gumi.”
I Sigir matur, “Ratu, titiang ngiring, mangkin titiang mapamit.” Suud madan I Sigir, jani madan Truna Bagus.
Tan kacerita di jalan, teked ia jumahné kala peteng, dapetanga korinné makancing, lantas togtoga sambilanga gelu-gelu, “Mémé, Mémé, Mémé, ampakan jlanané, icang teka!”
Masaut méménné, “nyén ento kamémén-mémén nogtog jlanan kali jani, umah icang suung?”
Masaut I Sigir, “icang pianak Mémé.”
Masaut méménné, “dija pianak mémé teka, ia luas suba
129
