Kesusastran Bali Purwa
paoné, nyén ja ngejang? Yé, ih, né nasi suba lebeng, ento bé gerang mabasa blimbing, déngdéng pada ento di klatkaté, ento jukut be siap mawadah payuk, beneh ya nyursur bonné ngiruk cunguh. Cirin kénkén ya né, aah Bapanné?”
Masaut Pan Tiwas, “irin kénkén nyén orahang, jabin
cirin basang betek. Nah, jalan té suba amah dogén, nyak ya ngranaang mati, dong suud ya kéné kasakitan ngalih amah!”,
Ngomong Mén Tiwas, “ah enden té malu awak ngiwasin payuké, sing nyén palinga tekén anaké ngaénang
dedaran. Mimi aget nu di tongosné, yan ento ilang bisa mati awaké sedih”. Suba suud kéto lantas ia madaar. Béh nyendi-nyendi koné sopan Pan Tiwasé baan tumbén naar dedaran jaen-jaen. Sasubané pada suud madaar, lantas mapaomongan ajaka dadua, ngomongang undukné makejang suba pada ada lebeng matah di umahné. Buin mani semenganné, I Tiwas luh muani tusing luas ngalih gaé, nanging ia mengkeb di durin kubuné, wiréh ia makeneh nawang anaké ané ngaba magenep ka kubuné.
Kacerita suba dauh telu sawetara, dingeha munyin kéné di arep kubunné, “troktoktok dengkok dengkok dengkok”. Lantas I Tiwas pada pesu uli pangkebanné, baané ningeh munyi tawah. Mara teked di arep kubunné, tingalina payuk cenik majalan, bek misi magenepan. Ditu I Tiwas gigian baan kendelné, lantas nyemakin aba-abaan payuké. Payuké lantas buin pejanga di tongosné melahanga pesan. Sawiréh I Tiwas suba ada ngalihang daar, dadi ia tusing buin ngalih gagaen kemu mai, nanging ia nganti dogén jumahné. Sabilang teka payukné memunyi “troktoktok dengkok dengkok dengkok,
juangin kumbi!”: Lantas juangin aba-abaanné. Payuké buin pejanga. Sayan makelo sayan nyugihang I Tiwas. Panganggo, barang mas, slaka suba liu ngelah, uli ngelah payuké cenik ento, katut umah ia suba ygidaang ngaé.
Kacerita Pan Tiwas nuju ada jemaka, ia menék ka
99
