Kaca puniki kavalidasi
217
- riinan, jumah mangemasin mati, enu balu, Cokorda linga newata.
- Kewanten titiang manyapa, doh titiang nyerahang urip samalih boya nyidaang, ipun masanding kasaktin, yan sawang tanah langit, lilaang kayun I Ratu, usanang panangsaya, sira ko purun matanding, dados tepung, pitui detia raksasa".
- Ngambil keris ring Pamreman, Sang Salia sebet ngebut in, "Duh Mas Mirah atma jiwa, Ratu Sang Diah Satyawati, Sang kadi giri putri, tan pepada ring kaayun, mangkin dumun pinehang, sampun Ratu salit tampi, yadin rauh, Ratu ipun Nakula.
- Tan weh titiang ngewehang, mamademang musuh sakti, tingkah jaya para jaya, sara tuduh Sanghyang Widi, yan kasida ngungsi, titiang pangiring I Ratu, manemu Indraloka, nanging yan malih numitis, ala ayu, makaron matemu lega.
- Baane tong dadi pasah, mangde sida jua makanti, yan I Ratu dadi bunga, masepuk maebo miik, suka titiang mandadi, tambulilingan makeber, mangisep sarin bunga, tuara lalis maninggalin, mapan ditu, tongos manise malenyad.
- I Ratu dadi pedapa, nyeleog ampehang angin, mangawe buduh kasmaran, titiang i gadung kasturi, nyadia pacang ngalilit, yan I Ratu dadi kidung, mapupuh wewiletan, titiang maguru kakawin, mangda atut, mareswa dirga peluta.
- Apa krana Ratu Mirah, ban tuara ada magutin, ayune tan pasawangan, tua pantes Sang Satyawati, ngasorang Saraswati, yan ring pradnya mula kasub, titiang kerangan manah, mawarna I Ratu mangkin, manis arum, pantes dewaning pamreman.
- Tuah Ida Betara Brahma, makarya lintang ngapikin, mati yen ada nelebang, ayune lebih ngalangit, mingkin ke ajak kasih, matemu tengahing kasur, dija to rasanya, bilih-bilih mati ngipi, tua Ratu, dewa kalangen
