Kaca puniki kavalidasi
218
- Wiakti boya nyidaang, kawine pacang mangurit, pitui kawi negara, telasang sekare malih, pacang anggen ngetekin, boya manyidaang puput, yadin gununge rusak, raris mangenyagang pasih, dija ruruh, boya polih sesawangan.
- Punika awanan titiang, tan mari wantah ngelanting, tuara emed mamarekan, yan I Ratu mandewati, titiang pacang nyatrain, nutug kaayon I Ratu, kadi tambulilingan, tan pasah mangamong sari, aduh Ratu, pacang ngalih galang bulan.
- Sapunika antuk Ida, Sang Salia ngarih-arih, anak mula wicaksana, maselan kidung kakawin, ambilang mabasain, anggen nyekenang pangrumrum, tan sah tangane ngabag, mangeboh-eboh magending, ngamel susu, tan mari mamitbit sinjang.