Kaca puniki kavalidasi
215
- Sang Ari Murti, ledang kayune mamatut, wantah mangumadelang, dening jati sampun molih, kadi tuduh, waluya sampun ring tangan.
- Sang Nakula sampun budal, Sang Salia osek ne mangkin, uyang mawetu byapara, bulangsh marasa paling, dekdek nyakitin ati. nyuwaka ngae panglipur, carane mangda punah, tuah Ida Sang Satyawati, mangelesu, mangresiah ibuk mulisah.
- Tan sakaring jerih seda, mabelanin guru laki, jatine nu alam-alam, tuara kapepekan kasih, tingkahe silih asih, matemu tengahing kasur, to krana dadi inyag, buyar sambeh dadi tangis, segu~segu, macapcap malu sang wasta.
- Ne mangkin Ida Sang Salia, milu mituturin sedih, ban ayu tan patandingan, roma ateb kadi mangsi, kasor guleme kangin, kalah ujane masepuk, nuju ngambahang roma, cecingake nyunyur manis, nunjung biru, ngaonang leliat kidang.
- Rempuh manis yan ngandika, kadi rebab sada jangih, ngasorang tambulilingan, tuah pantes natonin ati, ngenah cokore galing, nyalang kadi gedah alus, jengah pudak cinaga, madiane nyeleog ramping, tui nungkul, lemah pedapan angsoka.
- Entikan gadunge katah, ring Ida Sang Satyawati, yan kalaning matemahan, nguciwaang 1 nyuh gading, yening pada masanding, kudiang ngalahang susu, tongos manyatu lega, kaayon Sang. Satyawati, yening pigung, saksat papupulan bulan.
- Sapaut yen sawangang, tong ada kasoran tanding, pantos maka candra kanta, Sang Salia nyandang masanding, tuah juru papasih, pangucape manis rempuh, to nyan agon tulad, solah bisa ngalayanda, yan ngarumrum, manis mangejagang manah.
- “puh Ratu dende mas mirah, sawinten Sang Satyawati wabawane kasebetan, dadi mangelungang rarik, cecingake ngejohin, apa krana ngubar gelung, sekare mabu-
