Kaca puniki kavalidasi
214
- ature madulur tangia, raris ngelut cokor mangaturang “raga”.
- Sang Salia nyaup ngelisang, dadi ngawarangin tangis,
eling waluya maputra, raris alus mapasihin, tan mari
ngasih-asih, ngelut bau mapitutur, "Duh cai Sang Nakula, Uilaang idepe jani, tusing buung, cai mamangguhang jaya. - Jani ua mapanauran, ring Ida Sang Kurupati, mangde mamirat dana, sesanan ratune lewih, ring ida rakan cai, urip ua suba kaatur, seduke di Wirata, tui ping sapta numadi, mangde tumut, ala ayu ring Pendawa.
- Dening sekala tan sida, niskala jua kapanggih, ne jani ua mangirtiang, mangde pada mapikolih, urip wane cai, laksana dini kaatur, kasukane bas liwat, ban Ida Sang Kurupati, ten pangitung, Jengah wa mamirat dana.
- Dadi tanggun kekedekan, lega pisan wa mati, malarapan rana yadnya, ne jani ua ngawidi, tan lian rakan cai, Sang Darma Putra ne putus, pagutang teken Ua, maninggalang Sanghyang Urip, mapaputus, senjata Sanghyang Pustaka.
- Eweh yan ngalawan Uwa, dening panugrahan lewih, paican Betara Rudra, ancintia nirmala ening, ento senjata lewih, Pasupati geni murub, mangalahang dewata, detia raksasane sakti, asing musuh, pitui yaksa pisaca.
- Ya ento ne kabesenang, antuk Sanghyang Pasupati, ida Sang ngawaning darma, pageh ring brata semadi, masikep sastra lewih, pasupati geai murub, ento yogia ngalah- ang, larapanan Uane mulih, pacang nemu, swarga ring Rudra Buana.
- Nah keto suba peragat, gatiang ne jani mulih, mangde tusing katangehan, ne kulambi maseterip, bekelang cai mulih, lautang anggon tengkudung, Sang Nakula manyumbah, nunas ngraris mapamit, seampun mantuk, tangise tan papegatan.
- Rauhe ring pasanggrehan, sami sampun kapiuning, ring Ida Sang Darma Putra, ature mMatungtung tangis, Ida
