Kaca:Kembang Rampe Kasusastraan Bali Purwa Wewidangan I Buku II.pdf/208

29

1. lami pisan, saking negari, masusupan maring alas".

21.  Nilotama gelis angucap, sabdane nyunyur manis, “Titiang watek ambara reko, I Yadnyawatia mengutus, manguruh Sang Hyang Darmadewa, dija numadi, mangda titiang sauninga.
22. Ne mangkin titiang nguningang, dening ida Yadnyawatia, putran prabu Kutararaja, nanging ida sampun lampus, kasor ida ring payudan, ngadu jurit, ring Sang Prabu Naramangsa.
23.  Purinida telas rusak, geseng telas keenjutin, prameswari pramasatia, dening bakti ring sang lampus, brasta tan pagantulan, Yadnyawati. kari alit katinggalan.
24.  Kaduduk kaanggin oka, antuk ida Sri Bupati, ring prayajoti reko, nene mangkin sampun duur, sampun ngeraja suala, rupa becik, sawang ulan karainan.
25.  Warnan ida Yadnyawatia, satsat kadi sanghyang Ratih, purnamaning gumi wang, di masaning sasih kacatur, trenggana wyakti kuciwa, lieping aksi, tan sah ngulangunin manah.
26.  Kalangene ring sasih kartika, sami ngasor ring sang suputri, atubing roma sumangga, luur mega angrong jauh, seng ning lati ngamtirah, nyunyur manis, malenyad kadi sarkala”.