Kaca puniki kavalidasi
208
- Citraratra. lintang lewih, pradnyan tur satia wecana.
- Nangingke katuturang. aturang titiang ne mangkin, Ida Sang Tapi Yadnyawati. kocap ida sampun lampus. sedan idane masatia. katinggalin. antuk Sanghyang Darmadewa".
- Sang Samba ida mirengang. Gunadewa manuturin, raris ida naneng bengong, ngeling-ngelingang ring kayun, rabin ida Yadnyawati, sane nguni, katinggalan ring patapa.
- Yeh waspane deras medal, angen ida mamiragi, eling ida duke kuna, Yadnyawatia lintang ayu, satia wecana ring lakia, ngawe asih, Sang Samba raris antaka.
- Gunadewa kagiat manyingak, Sang Samba ida tan meling, rebah maring natar mangko, Gunadewa gelis manyaup, wecanane melad prana, saha tangis, "Ratu sang satsat Hyang Smara.
- Matangi Ratu elingang, nguda Ratu sapuniki, kadi tan tuhu prawira, irib muda kurang tutur, ne mangkin margi baosang, ngiring alih, dija Sang Yadnyawatia.
- Yadian maring Suargaloka, titiang Ratu lintang ngiring, satiba parane lumampah, twara angen titiang ring tuuh, lamun mangiring I Dewa, yadin mati, titiang sadia nya ruang jiwa".
- Sang Samba eling ring raga, tumuli ida ngalilir, malinggih ida ring natar, Gunadewa ida ring anulur, kari ida manegtegang, saget prapti, I Lotama tan piringan.
- Gunadewa alon manyapa, "Sapasira ja puniki, ayu rupea ne kalintang, kadi ratihe tumurun, dumadak Widi wila sa, manuturin, linggih Ida Yadnyawati.
- Samalih titiang nunasang, ring Gusti sang kadi Ratih, sapasira Gusti reko, ngeraga rauh ka gunung, luir sungsut katinggalan, dening laki, pamargine murang-murang.
- Dija purin Gustine mula, Nyen parab guru laki, lunga ne kalunta-lunta, maring alas ida maburu, lungan ida
