Kaca puniki kavalidasi
201
- utama, mungguh dipingit idepe. tuara buat di kayun. sukane sekala wiyakti, dening ya ngawe lempas, kala pacang nyujur, kautaman kamoksanggan, mapa iya, pitresnane mangilis, mawanan manggih neraka.
- Pakantenan ulih pangawit ira nuturang, suba uli sastra kaundukang ban Dewane, tuah mabekel ala ayu, suka duka pati urip, buat tingkahe tumitah saluiring ne tumbuh, di gumine pada makejang, yadin ada, mayoga japa semadi, madana miwah mapunya.
- Buin ada nyalukang brata Siwa Sridanta, ngincepang ka Budan, makejang, ento tingkahne, tuah pada mala ayu, ne tutug ajak tumitis, idepe ya manitah, krana ne manemu, jele melah suka duka, papa suarga, mawanan buin tumitis, maputeran kasi roda.
- Buinnyane ida sang maraga luih pandita, tuara ida buat, teken luih kasidane, mapuja suba suud, mayoga miwah semadi, kewala gineng ida, setata di kayun, apang eda buin maraga, mangde lempas, tingkah punarbawa buin, pati urip suud nitah.
- Dening suba tatas teken sangkan paran patemune dadua, sat maraga urip jagate, tan bina buka i jukung, setata pageh di pasih, tuara bareng i toya, keto sang maraga putus, tuara kraket jele melah, suka duka, setata nirmala ening, satsat maraga niskala.
- Ne kucapang kautaman pingit liwat suksma, tuara corah Ida, yan celupang di linggahe, Ida gedean macelup, di cupete mangelahin, dening kaliwat suksma, kantenane saru, ewuh pacang ya ucapang, pingit pisan, satsat. anake mangalih, tampak ulam di segara.
- Dening ento tuara bakat cagerang, wireh Ida maraga ucapan, Ida ngaksi di jagate, nanging tuara katepuk, Ida dogen ne ngaksi dening maraga tingal, ucapang ida adoh, ida suba paek pisan, nanging tuara, bakat baan manesekin, dening maraga suksma.
- Mula ento ne kabuatang antuk sang sedaka, kala manyu-
