Kaca puniki kavalidasi
2.3 SUTASOMA PARIKAN
Pun Sinom
- Miwah ipun I Gajah Muka, I Naga Raja sareng ring Macan, kalintang leganipun, ri kala punika ipun, mabriyuk sareng ngabakti raris ipun nunasang, saha ngastu pungku, ring Ida Sang Sutasoma, mapinunas mangde sueca ngandikain, maka utamaning warah.
- Pamargine sane nyandang turut manyujurang I Sunia Nirbana, dening katah pamargine, antuk sang maraga putus, wenten sane mangening-ening, nanging wantah kamoksan, kaincepang ring kayun, wenten tan kerakot tresna, lintang elas, tan wenten eman ring urip ne kaincepang.
- Makaciri kadi pamargan Cokor I Dewa, sane kuta majang, dahat elas ring jiwa, nanging pidagingan ipun, engken punika sane luih, imbangan ring moksa angga, ndikain titiang Ratu, raris Sang Sri Sotasoma mangandika, "Uduh luihing mapikolih, patakon caine totonan.
- Tya ento wekasing kadarman kabaosang, antuk Sang Pandita, ne kajujur di gumina, jani dingehang pitutur, irane teken cai, di ajeng Ida Bagawan, Kesawa ne putus, buka patakone busan, i kemoksan, pajalane utama luih, di gumine mula kaucap,
- Nanging ida sang suba putus di pakayunan, singja i moksawa, dogen maka pamargine, ane kaucap patut, utamayang ajak sami, saluir larapane seda, yang makayun, ngincepang kadarman ka Budan manyidayang, matunggalan ring Sang Yogi, wetu saking kecap sastra.
- Pakantenan kautamayang antuk Sang Darma, pitui Ida pandah, yen suba ledang kayune, kotamane kajujur, yadin tiwas pitui sugih tuara ida kabanda, nyeneng miwah lampus, buat yan suba nyidayang, ngrahayuang, di gumine ajak sami, ento suba kaincepang.
- Nglista angga ento ne luih pageh kaincepang, luihing
200
