Kaca puniki kavalidasi
192
- bikas pelih, enggalan makeneh ngambul, rupa saling pegokang, panjake tekening gusti, Anak Agung, nyabran menggah ring punggawa.
- Sayan sue sayan rusak, ngetih pagamele ganjih, mabyayuhan samben iyong, wara wiri ngangsar-gingsir, nene kabaos sisip, katuduh makuta kurung, di petenge manglegar, tong kanti atugel pelid, paren musuh, malaib ngutang takilan.
- Dadi katur ka negara, sesolahe ring i aji, i aji gelis ngutusang, uruju Amlanegara, rauh ka Puyung wiakti, mangantinin yuda ditu, masih twara da kasida, kadung kakencane pelih, manahipun, i kaula sami sagsag.
- Beane kedeng tumbukang, saduk pangregahe kawit, kalih soroh jejarahan, katudtud makejang kambil, Sura Amlapura ngampil, sane kawikanang katur, punika ne makrana, kaling ke ne mula ganji, manahipun, subaktine ka negara.
- Makejang nyakit di manah, nanging tonden kajalanin, manyihnaang idep congah, rerasane durung pasti, wireh buin makalin, pangraos I Bangkol ngagum, tonden kasidan asat, rumbeke ri durung ngilis, Sura Amlapura gelis magunita.
- Kairing antuk punggawa, makadi ida i ari, Sura Amlapura ida, mebah baang pangraos becik, pakayunane mangkin, mamarekang daya saru, ngesengin i prakanggo, saking mangutus i aji, mangda rauh, sami tedun ka negara.
