Kaca:Kembang Rampe Kasusastraan Bali Purwa Wewidangan I Buku II.pdf/190

Saking Wikisource
Kaca puniki kavalidasi

191

  1. Ajrih ring i aji menggah, ban yudane kalah kalih i aji sering ngutusang, mangde makanten ring gelis, kaon I Bangkol mail, Sura Amlapura ditu, menggah twara pilihin, mangampros mawarna jengis, asing solah, pematinge dadi salah.
  2. Bane tonden manyidaang, kalilih I Bangkolmail, makadi sida karusak, kalih wenten kabar jati, ento I Bangkolmail, kadi mencab makenkenan, nyunut rauh ka desa—desa, mangatepang raos kadi, duk ne sampun, makarep nanggilis congah.
  3. I prakanggo desa-desa, patih pasaure sami, kari matindih pangraos, ring sangkatena ne riin, congah ring raja Bali, nanging tean ugi dumun, mangde polih mupakat, mangajarin raos malih, ring Kelapa, desane nyandang kendelang.
  4. Ne bani matetakeran, masiat ring Raja Bali, mangkin sakewala ada, awuran pada makikit, ngantinin Bangkilmail, mangukuhang gelar dumun, apang twara kasidan, Raja Bali mangranjing, di perapen, ento krana dadi sengka.
  5. Siate ne makulehan, ping kuda nyatang wiakti, soroh Selam mangaregah, twara ada maminglakin, apan mataji kalih, karep ipun dini ditu, Sura Amlapura ida, muuh makayunan runtik, mamaosang, ragane kacampolehang.
  6. Janten pacang kabantenang, to kerana dadi salit, pakayunane makebros, ngimur-imur menggah sai, pemating alah tigtig, belas ring pamekelipun, anak sija ngaduang, solah kadi kaprasisip, ne mangadu, durus rusak kabantenang.
  7. Kapo anak seseliran, watek tan ajrihing pati, Brahmana Ksatria katong, tusning daa Majapahit, ajahan malaibin, anake agung kaduung, basaulat nyelselang, yen enyen manunden mati, mula tepu, nagih kaden purusa.
  8. Gangsarang sambat satuang, pangregahe wanti-eanti, twara memelutin kelor, galake mabudi mulih, bas asing