Kaca puniki kavalidasi
176
- Melah suba jalan luas, ka Banyuangi maluin, singnya dadi punaang reko, dukan I Tuane jani," raris ida mamargi, wenten ngiring limang atus, sampun manuncap alas, peteng lemah kamarginin, sampun rauh, Ida Ngurah ring Jembrana.
- Kandep ring dane I Tuan, twara kicen mangraris, bane malanggar pangraos, kalih iringane sami, nagih milu kapasisip, Tuan Kontrolir tan kayun, mangicen surat pas, raris kabudalang sami, twara kayun, I Tuan manampi ida.
- Raris paramangkin budal, sareng iringane sami, pamargine sada seso, gelis napak Banjar sami, malih ida katangkil, para Kliang pada rauh, Ida Ngurah ngandika, "Kenken Bapa Beli jani, suba tuyuh, ajak icang masowakan.
- Melah suba jalan tatak, yadin idup yadin mati, yadiapin madewek kaon, nyen ja selselang jani, suba ko pagaenin, "Kliane pada maatur, "Kija malih mangojog, becikan mangkin entelin, data ruruh, kenang manyuluhin raga.
- Teken titiang doh pisan, pacang Kumpeni mriki, manahang titiang pangangob, mangda I Ratu nututin, manah Tuan Banyuangi, "Keni kaulane mawug, ring Ida Guru Jumada, kadenang dadi angobin, anak tuhu, manindihang kamuanian.
- Ada matur manyajaang, bikase mairib uning, tekening anak mangraos, "Yadian suradadu mriki, boya ja Raja Betawi, duka ring Cokor I Ratu, wantah upah-upahan, wenten mati masilihan, miwah sangu, pene upah mangadaang.
- Yan wantah I Tuan Besar, dane ageng di Betawi, boya I Ratu mangantos, matulak rauh mriki, boya ngantos awengi, sampun I Ratu kaejuk, wantah anteg-antegan, kayun I Tuan Banyuangi, "Tan kawuwus, di Banjar mareraosan.
- Ring Buleleng mangkin kocap, sampun sami ati-ati, ma-
