Kaca puniki kavalidasi
169
- Twara titiang bisa madagang, ngadep adan nene jani, titiang suba liu ngelah, apa karya buin Ratu, jerone anakonang adan, mangde uning, titiang madan Ni Jasiman.
- Jerone sira pasengan, apang mangde titiang uning "Aji Semaun raris angucap, "Adan titiang Aji Semaun," tumuli raris nangsekang, "Duh mas manis, atur titiange pirengang.
- Krana mriki Ratu titiang, sadiang titiang Ratu Mas Manik, sueca I Ratu ring titiang, titiang dados jadma buduh, nagih mati twara nyak, sane mangkin, apang titiang buung pejah.
- Inggih tamba nunas titiang, sueca I Ratu Mas Manik, "Ni Jasiman banggras ngucap, "Kai twara bisa nyimbuh, ne jalma pangenkenan, kemo magedi, jani bakal kai mulihan".
- Aji Semaun bengong manyebak, bau mara kakalahin, budinyane ngojog mulihan, "Duh mas mirah Ratu agung, ngudiang Ratu ninggal titiang, tuah bebeki, twara bisa kapiwelas".
- Jani mulih malipeten, tan mari mangasih-asih, inget teken Ni Jasiman, pajalane ngantun-antun, suba teked jani jumah, lantas mangeling, tan mari manyelsel awak.
- "Nyen te manguduhang titiang, tumbuh kene sakit ati, lacure makejang ngoyang, tuna goba lintang semu, manglemesin somah anak, jegeg gati, tan sah magatung ring manah".
- Mamennya laut netesang, "Aduh nguda keto Cening, apa to sakitang manah, orahin ja Meme Ratu, Pianak meme tuah I Ratu, tuah asiki, anggon meme bungan manah.
- Belog Memene kalintang, jani Cening suba kelih, apa ko jani kenehang, dong orahin titiang Ratu, eda ke Ratu marah, keto Cening, idepang pamunyin titiang".
- Aji Semaun raris angucap, mamunyi ia gigis-gigis, "Keti Meme manah titiang, mangawenang daya ngapus, prentah ia Ni Jasiman, apang singid, anak suba ngelah somah.
