Kaca puniki kavalidasi
170
- Yan tan sida Ni Jasiman, depan suba titiang mati "manyatuang awak madagang, sebengnyane pantes manuh, suba teked di kantoran, tur kapanggih, Ni Jasiman makorsian.
- Tumuli raris majalan, I Mak Duyung makta tulis, manyaruang awak madagang, sebengnyane pantes manuh, teked di kantoran, tur kapanggih, Ni Jasiman makorsian.
- Tegake ngarepin meja, I Mak Duyung kaget prapati, Ni Jasiman alin angucap, "Ne te Bibi mara rauh, raosang Bibi manekan," "Inggih Gusti," I Mak Duyung raris negak.
- Ditu is raris mamasangang, guna lilit sane lewih, Ni Jasiman sayan ngrasa, macelos latine ibuk, sambeh buyar manguramang, munyi paling, twara inget teken awak.
- NI Jasiman raris ngucap "Durusan suecane mangkin, nah tulung ja kuda titiang, ne surat titiange perlu, ISemaun ko ia baang, daging tulis, suba pragat janjin titiang.
- Mangde ia suba narima, buin pitung dina jani, tuden ia mangantosang, di Tanjung Sakuta ditu, titiang rauh pukul tiga, keto Bibi," I Mak Duyung ia nerima.
- Ne mangkin sampun terima, I Mak Duyung makta tulis, rauhe maring jalan, Aji Semaun ditu tepuk, raris ia kaieen surat, kekalian, Ni Jasiman manitipang.
- Jani ia sampun nerima, Aji Semaun raris mulih, lantas jani ia mangundang, ngade emas kawin nangun, cager kayune polih brana, anak sugih, Ni Jasiman ia ka kamar.