Kaca puniki kavalidasi
1.49 GEGURITAN GUNUNG RINJANI
Puh Sinom
- Durung puput mapidarta, wakil pekasih nampekin, maatur ngiring mamarga, peranda masaur, "Inggih, Beli manutug duri, dening mama dereng suud," I Rami mangincepang, Palocokane manguci, kadi ketak, wayange sedek masiat.
- Sampune dekdek katurang, wus nyanang raris mamargi, sareng tetiga mangarad, Ida Made Burwan raris, matur nunas paglisin, reh suryane Sampun surup, mangda sampun kawenglan, pusira pacang takenin, raris Sayan, pamargine mangelisang.
- Manarutug mangulaang, suba ne jani kapanggih, pajalane Sayan melah, marerod masawang baris, mangraos sleg tarekin, desa nene Pacang jujur, Saget ada Mangenah, uncab-uncab uli kangin, jak tetelu, liate buka culengar.
- Di idep Pacang kabaya, sengeh pada manangarin, manyamping pada ka kebot, bu paek saget pekasih, saking mapak panempi, recep tuturane muuh, kadi paksi bucica, ne mamunyi galang kangin, mangucincang, tabuh munyinnyane melah .
- Majalan sambil nuturang, paslewan nene ring margi, Ngone tiang tole Cakra, ngantih Jrone nde badait, terus tiang tae setrim, dateng le Dermada suung, sayan tiang ngulaang, nruktuk dateng deriki, si ketuan, panimbal no ende ara.
- Dateng susah pikir tiang, sang pelian tan bajanji, bale panyesel le awa, bayaku ta coba widi, ngarisu ida pikir, ngengat timu ebat suung, katuju tiang gegita, warung ara daganga kupi, terus tama, beli kupi tokol batlah.
- Sambil mikir bapitungan, ara sopo dait pikir, senga jelo uah bawa, bagus ku tulak nyepalik, sepreti ite ngantih, le embe tao badunung, putus uah pikir tiang, bayah kupi terus nyedi, tejak telu, leka pada sesel awak.
- Gegag renggang tiang leka, ara cemoh ida pikir si
156
