Kaca puniki kavalidasi
1.47 GEGURITAN PERAMPUTAN
Puh Ginanti
- Saka renga saka pangguh, sane munggah mungwing gending dagingipun ngatak wayah, nongkang-nongkang boya ngindik, ngecos meriki-merika, saget irika-iriki.
- Bongkol bebaos kawuwus, Karangasem sakeng riin, makadi kungkungan sastra, ida dane agung alit, wenang maawi-awian, napi malih ring jro puri.
- Kawi swara kehan caluh, mangapus kidung kakawin, sat sami sang wiku wikan, i rika ngarya pangawi, sekar agung mawirama, napi malih sekar alit.
- Swara Bali Sinom Pangkur, sekar madia swara Kawi, ne mapupuh wewiletan, kawitan Demung Kadiri, sakancan tembange lawas, irika kalumrah sami.
- Swara wianjana kapigun, lingga swara swara sandi, swara molah mulak swara, swara nuek swara Kawi, susuduk swara Mantara, swara kambang karag-kirig.
- Patunggaltunggaling wuwus, wargan sastra wargan munyi, sutra swara gana-matra, reswa dirga pluta malih, canda papasangan aksara, pasang kekeran pinasti.
- Kweh wastan pasang tan surud, kabaos ring sang prakawi, wentwn pasang lunga reka, pangater miwah pangiring, seselan nengen ka tengah, wastas kruna katah gati.
- Dwi marta tri marta nyukuh, manut pasang luh muani, murda danti nganta swara, katah yan ucapang kalih, pirantin sang kawi swara, canda wyanjana tan mari.
- Ndabdab pang lengkara Jemuh, ngardi kannst ea pandwistaning paribasa, molah keh antuk ng cane celed kasuduk gampar, keh kakembangan sang kawi.
- Riin rauh mangkin kantun, turun Bujangga Aji, wicaksana tameng gita, salwaning Amlanegari, kapuji griane patpat, catur asmara upami.
149