Kaca puniki kavalidasi
129
- ipun Arya Samba kadi wong lali, ri sampun ngagem payas, kanten manis nyunyur, asri pangus asing solah, nging kirange pamusune tuna gading, niru Betara Kresna.
- Kabangetan selem pedet manis, tucin e vane gumilang-gilang, tulia kadi istri tulen, yadin sang sering mangguh, bingung narka istri sajati, dasar mula paragan, raja putra bagus, sarwa pantes meleh raras panggawe punika, rasa keliru tarka.
- Pandugane rasa tan ngwisyanin, masa te pace sampura reh makaya sampun akeh, manulung para wiku, krana nyadia mangdene polih, ngungkulang senggak-senggak, nyentokang Pangawruh, baya sampun saking titah, kunang-kunang misadia ngungkulin sasih, doh para kasidayan.
- Glising carita laris marek agelis, manyambrama sang maha pandita, sada ngasor polatane, mamuji rangkung-rangkung, masih mrawat ewere kidik, magatra-gatra cekap, mimitang makabun, pamujine mangayunang, mapi-mapi nunas ica ngasib-asih, mangdene dadi manak.
- Arya Samba kapiuning istri, ne Sang Wabru sarat nunas manak, katarka sekep semitane, duk matur sarwi nguntuk, cara tataning sanget ajrih, ajrihe misi langgah, sang pendita rengu, tan kawasa mageng kroda, ngrasa wirang reh banget kapracampahin, katawah rangkung mudah.
- Ih sang watek Yadu pada sami, teka mamencana tan pakrana, wiku tan ana dosane, menawi ngrasa angkuh,ngrasa ngluwihin tan patanding, tan mrasa misi cacad, nadak ngutang sikut, membongoh ngayunyunang, salah gawe banget cekap mracampahin, mangadok dudugayan.
- Riantuke wiku sakeng bukit, kakurangan ring tata negara, miwah gesit parupane, krana kasengguh puyung, naaging ana misi sakedik, punika ne kawatang, rabine Sang Wabru, dudu luh sajatinya, Arya Samba anak ratu Dwarawati, sinuun Prabu Kresna.
- Miwah isine malih sakedik, ri manahing wiku sabeng alas, bisa males bencanane, sang karupayang luh, moga
