Kaca puniki kavalidasi
1.41 GEGURITAN PURWA SENGARA
Puh Dangdang
- Pangawine tembang Dangdang Gendis, nanging tembang cara Surakarta, basa Bali pangikete, maengsub saka-pangguh, basa lian sok dadi nyarik, kewala sida gantus, dadi manut dingdung, saking durung patitama, durung elah ngardi mangden pangus bangkit, tataning panyerita.
- Moga-moga kasampura ugi; antuking sang katuju mangguhang, pangawi katah cacade, tan sida becik nerus, yadi[...] banget kapracampahin, wireh masaning sayah, sarwa nerus alus, masa katah kasap-kasap, pamedale saking sarwa napi-napi, jet sering mamabakang.
- Ne kacrita-critaning kali, rupa ratu bumi kagunturan, alpa sarana budine, duk lintang wau sewu, petangdasa nanggu kakalih, saking Isaka warsa, sewu welungatus, nanggu pitulikur warsa, durung maren panangsarane ring bumi, Sanghyang purusangkara.
- Kacrita Bratayuda nguni, ri pantaraning kali dwapara, kojaring Adiparwane, pambangan taunipun, ngraris sirnaning Dwarawati, tigang dasa nem warsa, wit panincapipun, Hyang Kali Purusangkara, panglanture katka ring kala mangkin, masih katah sangara.
- Wilang Isakane duke riin, Turuning Kali Purusengkara, tigang siki angka jajre, kawilang pitung atus, walung dasa lelima lebih, ring wiwilangan warsa, tuwuhe meh puput, kocap kawiting sangara, duk rusake negeri ring Dwarawati, linging Musalaparwa.
- Wite wenten resi tigang siki, Resi Wiswamitra, Resi Kanwa, Danghyang Narada sarenge, lunga kalaun-laun, mapeparan ring Dwarawati, sang watek Yadu girang, nadak nyadia ngulgul, panyobane mawor cekap, ngalih ambah mangdene polih nguyonin, tan ngrasa misi cacad.
- Pangraose ngardi-ngardi sandi, Arya Samba dadi kadi nganten anyar, cara pawestri payase, Sang Wabru lanang
128
