Kaca puniki kavalidasi
102
- basang titiange bas pedih, kradak-kruduk, bedak layah kapanesan.
- Lami titiang tan paneda, mangda nyak etisan kidik, "Hyang Panyarikan winelad, kayun kapiwlasan ati, raris ida mangambil, di gegandeke manyeluk, sakecap astagina, sing ada ngaba misi, nasi jukut, ulam yeh sampun cumadang.
- Tuak, berem, woh-wohan, jaja, roko sedang gading, suud nginem suud ngamah, Cikrabalane wus prapti, rupa aeng mangresresin, pagrudug ada telung atus, ada mangaba gada ada ngaba sujen besi, sampat tulud, angkus rendang baan waja.
- Atmane jerih pablesat, malaib ya patisilib, luir pitik kepung kawangan, patipuuk, pajrat-pajrit, kinceh jrih maras mirmir, ne kabelet laut macebur, di kawahe mububan, bekbekan tong bisa engkid, paceburbur, kadeet banelu waja.
