lan Ratna Dumilah. Lenggut pesan satuane nganti tuara mrasa yeh panonne pada ngrebes. Gusti Biang Suci, Wayan Rempuh miwah ane lenan milu sedih mirengang sawireh makejang nasibne patuh tuara nawang meme bapa.
Ratna Dumilah sesampune nyirepang okanne di kamar, lantas mesuang gapgapan bagi-bagianga teken Wayan Rempuh lan Pan Kobar kamben misi selendang utawi saput asli Timor pada mabidang. Wayan Galang celana wool lan jaket kulit, saha Made Sinar lan Luh Purnama kamben songket asli, Timor lan kain baju sutra kembang pagaen Prancis.
"Kanggoang Wak, Mek, Yan Galang pada makejang anggon temon-temon."
Meina masih milu alon-alon ka kamar nyemak bungkusan baanga Pan Kobar cangklong danta, mek Rempuh baanga Baju dingin wool. Belinne, Luh Purnama lan Made Sinar baanga lengis miik lan sabun merk Marlin. "Wak, Mek, Bli Yan muah mbok Luh lan Luh Ade, tiang ten ngaba napi sajaba awak letuh tur nista serahang tiang teken memek."
"Beeh, ngudiang kone cening buin maabaan, ajin cening teked dogen jumah dini memek ajak makejang suba bagia. Pabaang ceninge ngawe keneh memeke sedih, bungah macampuh dadi abesik. Nah teriman memek, lakar anggon memek temon-temon."
Sorene nika kulawarganne Pan Kobar ramia baan kedek lan obrolane kangin kauh. Liu masih timpal-timpal muda-mudi banjare ane paak teka mara tawanga Gusti Ngurah ajak rabinne rauh. Makejang ngajumang okanne, ada ane nyigit saking gemesne ningalin.
"Wak lan Memek, rencanan tiange buin mani lakar ka Sengkol nelokin matuan tiange sapisanan majango, melaku pelih. Mamiq lan
324
