Kaca puniki kavalidasi
idewa makadi bunga,
bungan tunjung nilawati,
yen Sih enu,
di telagane tan pakarya.
156. Yan bungaang anak melah,
dikupinge dahat becik,
ditu wenten kalangenia,
yan andeang titiang sari,
bungan tunjung angrerawit,
mara kembang laut ulung,
kumbange sepanan ngaras.
157. Inggih wenten kabecikan,
yen iratu ngelinggihin,
pinunas titiang dewa,
ica mirah nyambeganin,
luir pitra ring ngaweci,
kasasar ring kawah agung,
yan tan idewa ngalukat,
tan mati ing bacin,
duh sang ayu,
durusang ican idewa.
158. Caciren I Ramasemara,
neher winaca ring hati,
Ni Ketut nganengneng bengong,
semu kangen laut ngeling,
ngicepang munyin tulis,
tuhu mangolacang kayun,
Sang Bimaniu kacarita,
memerih sang Sitisundari,
tusta lampus,
tan surud tekening pejah.
85
