I Ratnasemara mangrantun,
diwangan I Dukuh Emas,
dening korine makancing,
sepi sampun,
tur sagawon tuara mangap.
205. Laut ngalekasang wisesa,
mangeranasika mamusti,
mangineban pancandria,
Brahma, Wisnu pinaka kori,
Icwara pinaka kancing,
Sang Hyang Tunggal kang lumaku,
jumeneng pinaka raga,
Sang Hyang Ayu Mangelunganini,
wus rinangsuk,
makebah lawang ping tiga.
206. Laut menga ikang lawang,
I Ratnasemara ngeraris,
mangojog laut mulihan,
buka pituduhin widi,
mangojog bale papelik,
masimbangan ia majujuk,
ngawangsitang ban tengeran,
dening katon teja ngendih,
mirib kadi,
sasangka sedeng purnama.
207. Ne Ketut enten malihat,
laut dane mangulapin,
I Ratnasemara sahara,
manyagnyag nyangkol mangabin,
Ni Sewagati nambakin,
tan sah namplak manyingguk,
mamingseg las mangasgas,
90
