19. Pan Bungkling malih angucap, boya ada umah puniki, tampul
wastan ipun jro, de Senggu manyawutin ne te cai Pan Bung-
kling, mai ngedengang pangaweruh, ye dalem maman kalah,
idong-idong senggu Tangi, buin putus, tekening ngitungang
sastra.
20. Pan Bungkling malih mangedat, pesu munyin nyane aris,
doning titiang rawuh jro, manunas ica iriki, titiang pacang ma-
bersih, nyuwun padan jro Senggu, dening kasub kaloka, jrone
Senggu sakti, malih putus, kaludin ban betel tingal.
4a.
21 . Titiang ngaturang daksina, jinah wantah petang tali, miwah
wenten temon-temon, jajamprahan pelet becik, rengreng mi-
rib i tundik, saking Belambangan dumun, sibakang ibabalang,
aturang titiang ne mangkin, keni durus, titiang manggihin
kamoksan.
22. De senggu egar ningehang, mamunyi ia kenying-kenying, nah
lamun buka kaketo, nyak bapa mangiyanin, kema te alih
mulih, edengang ja mai malu, bapa makita nawang, lamun ka
-
cumpu diati, tuara buwung, cai ngarepin sowamba.
23. Pan Bungkling mapi ngaresepang, wenten tunas titiang kidik,
ne mawasta kaja kelod, engken kawuh engken kangin, yan
titiang sampun uning, gelis titiang raris mantuk, mangambil
jajamprahan, miwah jinah petang tali, pacang katur, anggen
titiang pamuriangan.
24. Durusang mangandikayang, de senggu adeng nyawutin, kudiang to dini matakon, sing nya ada ningeh cai, di sanggah tongos becik, apan ditu mula suwung, tongos mawarah-warah, Pan Bungkling raris mangiring, teked ditu, menegak marep-arepan.
4b.
25. Ne cai apang tatas, da pisan mangengsapang, ento ne madan kelod, uli ditu ban nyumunin, asing tongos di gumi, tekening itanem tuwuh, batu miwah jalema, ento brahma manyusupin, mangde kebus, mangde tis masih ia.
78
