4. Padanda raris ngandika, Pan Bungkling mangudiang mai, paekang ibane nongos, Pan Bungkling matur aris, durusang icane ugi, ngawulayang titiang ratu , titiang manunas ica. wenten karyan titiang kidik, keni durus, memen titiang ekasema.
2a.
5. Bawu padem ibi sanja, nyaman titiang mamersihin, dening titiang mula totos, mangaskara uli nguni, titiang tan wenten uning, ring banten punika ratu, malih kirangan ngarap , kabelet kirangan daging, dening ibuk, titiang mangkin mangrasayang.
6. Polih titiang maangkuhan , inganan tuah roras tali , yen titiang tan kasangkawon, malih limang dina mangkin , ngutang lantas makirim, akuda pacang sasantun, nene karawos utama, padanda adeng nyawurin , da jua ibuk, lamun to kuangan ngarap.
7. Lamun suba ada gelarne ruwang kaine dini, jadma gawenya keto, ngawe banten sai-sai, kama iba delokin, banten nyane suba puput, banten anak mangaskara, len to banten mamersihin, raris bangun, Pan Bungklingnjani natasang.
8. Rata bannya mapawasan, raris malipetan gelis, padanda kari mangantos, di pamrajan gendang-gending, Pan Bungkling matur kenying, inggih sampun ratu, natas banten punika , wenten hemeng titiang kidik, dening durung, titiang taen mangantenang.
2b.
9. Wenten ne mawadah dulang, meka waja miwah lengis, menuh sikapa asoroh, baya tingkah banten suci, punika ke anggen napi, padanda ngandika alus, data takonang iba, pipise jua aba mai, malih matur, Pan Bungkling makita nawang.
l0. Padanda raris nartayang, kene katatwannya cai, pan sipta uling makelo , yan dadi jadma buin, menuhe bakal eating, sikapa anggon pamulu , mekane anggon mata, majane anggon kal anggon gigi, mangde ayu, yen mepekang parikrama.
ll. Pan Bungkling kedek mangakak, uning titiang kapo mangkin, nanging kangkat titiang kawok, titiang taen mamanggihin, anak mananem sampi, tan wenten madaging legu, nangingne
76
