Awighnamastu
1b.
1. Sampura dewa sampura, i belog maabet ririh, ngawe kidung
tembang sinom, tuara takut kakedekin, sok baan demen ati,
tani kanda tuara pupuh, abete masih betak, mirib tuara ada
nandingin, cekur-cekur, matawan sundari belah.
2. Panembene nyemak satua, ada to madan Pan Bungkling jalma
mapi belog, ririh nyane tidong gigis, nanging ririhe mijalin,
sai metukang pangaweruh, tui tong taen kalah, ban bisan
nyane mamunyi, pada nungkul, panditane tua bajang.
3. Ida Gede Gangga Sura, suryan jagate di Bali, mula ririh kaga-
gawok kebute tan sipi-sipi, sai lunga ngarayonin, sai nekayang
sasantun, malih nyawa wedana, kocap ento kaendonin, saget
rawuh, Pan Bungkling nyongkok manyumbah.
Milik Lembaga Pustaka Lontar
Fakultas Sastra Universitas
Udayana Denpasar.
75
