293. Rasannyane buka belah, terase masawang getih, buwin ada teka mangosok, ban bangket tabia kurinyi, wus gantungin pipil, kaateh keajak pesu, teked di wangan gelar, anging kagentosin margi, kawuk-kawuk, paling tuara nawan marga.
294. Wang Jagatra pada yatna, lawangan suba makancing, wang Mekahe pada encong, ndingeh ia Gustine nyerit, sereb pada manyagjagin, sagetan Gustine gundul, macangkling buwin majambot, becat pada mangembusin sami panggut, raris dane mararampa.
38b. 295. Sampun rawuh roaring petak, sang prabu engsek nyingakin, kamemegan tan patakon, kabelbelan lintang brangti, iribang pesu geni, ban kerodan ida ring kayun, angkihane ngatugtug, sawang angin mangetisin, malalatu, kedapan socane barak.
296. Bangras lawut mangandika, ne jani nyandang ceburin, gelar nyane onyang borbor, da antiang nene mani, tuara gawennya buwin, ne mani masih mangamuk, ento apa binannya, matine jani ken mani, jalan tuwuk, eda ngitungang menang kalah.
297. Prabekel pada matutang, raris manabdabang bedil, suryake rame mangokok, bedil pada ngenyit utik, Raden Citra Rukmi, Citra Guna I Mastrakul, I Mas Sura Dilaga, miwah I Bagenda Ali, sareng Dukuh, sampun manegakin jaran.
298. Sang prabu raris mamarga, raris manunggang padati, kaapit ban pajeng robrob, tunggule permas wilis, matulis maka katih, jalannyane ngenken Rawu, sang prabu lintang yatna, raris manyabit paresi, mangkin rawuh, panjake pacang mangregah.
33a. 299. Gebagane mabiayuhan, kasep mangisinin bedil, ban sisune dadi ngetor, nyemak tumbak panah pelih, bedah gelare mangkin, pondoke liyu malajut, jadmane liyu bongkar, liyu pada mangrejak api, kapupungan, bumara bangun katumbak.
300. Tuara ia maan manglawan, gebagane pada lilih, liyu bangkene mangomplok, bane pules buka, enu medem katumbakin, ne malaib ia kakepung, sambeh ia pablesat, wang Mekah pada
113
