mandadi kawon, yening benjang ngemedalin, wang Mekahe bungkah sami, karebut baan dadalu, benjang taanang pisan, titiang rawuh ngubat-abit, nyuluh-nyuluh, apang tuara magantulan.
286. Sakancan-kancan i dewa, pada tereh tusing bani, sok demen kalaning linyoh, di jagate sai-sai, malih siki cingakin, biket titiange marajut, gagaen titiang masiat, biket siyu misi mimis, mula kasub, papadu uli di Mekah.
37b.
287. Yan titiang tuara mabahan, masiat angan awai, dadi gelem dadi oon, tusing dadi ngalih nasi, dadi ngemasin sakit, bane tuara ngenot musuh, yan titiang ngalih ubad, ban muncuk tumbak muah rnimis, paling luwung, ubade ban madadagan.
288. Sapunika atur putusan, sabatek anake nangkil, angkihane pada adoos, matane mandelik, pada malikang keris, kipak-kipek rninab musuh, enu ngantos pangandika, karana takut manduunin, tan pasawut, pada ngadu sesebengan.
289. I Dewa Gede Saloka kabangan, mametek keris nuding. lima batis ngetor, mairip masugi getih, bangras ngandika gati, kema iba jani juk, anging eda ngamatiang, rantaban pada nyagjagin, pada ngrebut putusane pada ngalawan.
290. Bumara metek danganan, ada ndekek uli dori, len ada teka manoktok, sewos mangrebutin keris, suba pada macangkling, mabebed maatep siku, tangkah nyane buka belah, masih tuara ngrasa jerih, nagih ngutgut, mabudi masih maninjak.
38a.
291. I Dewa Saloka ngandika, kema iba jani, keris jani jemakang timpase golgol, makejang pa'da jambottin, lawut gantungin pipil, atehang ia lawut pesu, lebang diwangan gelar, dosannya teteh mamunyi, raris bangun, parek nyane nyemak timpas.
292. Rainnyane kaipuhang, lantas kaanggon manguris, putusane gerong-gerong, ban tendase ne makuris, ada lian negakin, kayang batise maimpus, tendase kelor, babar timpas tan parai,buka pelut, lantas kaberiyokin cuka.
