morane ndongsok, tuara ada manglingu munyi, suryak mawan- ti-wanti, liyu manyeburin pangkung, ada nyambra kapelang, nyamannya ken Tandurahim, suba Dukuh, maadan ia I Draman.
255. Mabalik ngejerang tumbak, nawang siat cara Bali, sanyama- nyamanya ngokok, ada satus ne mabalik, malih siate becik, manumbak tembung katembung, ada madadagelan, ada mati teeg ban bedil, saling tulup, marancap paturu tamiang.
256. Kocap I Dukuh Duraman, manglawan nyaman Pan Bungkling, mapuyengan pada ngokok, I Duraman manakonin, iba nyaman Pan Bungkling, adan iba Pan Caleluk, nyaman ibane dija, ane ne maadan Pan Bungkling, uling malu, baan kai ngantemang pisan.
257. Ne iba tani sapala, matandingin teken kai, samanya manglawan bojog, masa iba mamintulin, Pan Caleluk brangti, manumbak kena katembung, I Duraman manumbak, tuara ada kena tang- kisin, kena lambung Pan Caleluk manyugadag.
258. Pan Bungkling bawu maliat, ngenot nyaman nyane mati, lawut ia manyagjag encong, I Duraman kaarepin, I Duraman ma- munyi, nah ne teka paimbuh, sama ngebugin tembok, kai manglawan Pan Bungkling, uling malu, kai sengit teken iba.
34a. 259. Dosan iba bobab pisan, iba belog ngaku ririh, tosing pisan kai gawok, ban ibane kereng manyangkik, Pan Bungkling manyawutin, to inget kaine malu, saduke di bancingah, manguda iba mudiding, pati kepug, ne jani ngliyunang peta.
260. Tuara dukuh buka iba, getape tan sipi-sipi, getape neked ka polo, ,mangaku awake bani, yen iba tui bani, ne malu nguda ngadupung, duk nyaman bane ngerok, di langgar matiang kai, takut pesu, ibu mula turas getap.
261. I Duraman raris numbak, pan Bungkling sebet manangkis, tumbake pada makepod, raris pada ngunus keris, pada pasaling pentil, pada mamburu kaburu pada tuara kasoran, pada tuara nandang kanin, pada tuyuh, Pan Bungkling jani madaya.
108
