262. Makecos raris ngenggalang, lungan tumbake kaalih, kajemak raris mangokok, Pan Bungkling manyagjag buwin, I Duraman kaungsi, I Duraman malangketuk, mabudi manyemak tumbak, nuwutang daya Pan Bungkling, dene Dukuh enggalan kaaliwatan.
263. Ne anyar mesuang iba, manuwutang dayan kai, mabudi mangalih tongos, nyemak sikep kai nandingin, enggalan iba mati, dayane dumara pesu, ngentikang tatimuhan, kudianga to dadi mentik, awak butun, manglawan anake celang.
264. Da ja mesuang daya, amonto munyin Pan Bungkling, I Du- raman lawut ngetor, makesiabe tidong gigis, awak ngucuwen tanding, dadi kuciwa panyaluk, bumara mamulengas, dadi nyanyirigin tangkis, bah macebug, bangkiange buka pilegang.
265. Lung tong dadi kibehang, Pan Bungkling lawut ngigelin, mase- sumbar sambil ngokok kudiang iba nglawan kai, apan belog teken ririh, enggalan iba macebug, daya ngamatiang iba, Pan Bungkling lawut nuwunin ngeet cunguh, I Duraman gerak- gerak.
266. Soroh selam pada bungkah, ngenot I Duraman mati, palaibe pati sondol, Pan Bungkling nunden nyuryakin, wang Mekah pada lilih, Raden Ende Batu Karu, buwin malikang panjak, paseret ngelusang keris, I Mastrukul, miwah Raden Citra Guna.
35a. 267. Mabalik manadtad tumbak, ada siyu nene ngiring, pangamuke sada gongsor, buwin siate marangkit, rame pasilih bedil, mai- rib galagah tunu, pada nyempal kasempal, ada numbak katum- bakin, saling gepluk, mabeet baan sinapang.
268. Pada tuara kaadan, pan pada kadanan sai, ento karana saling, silih sudat silih tebih, saling kadangan ati, sating kedeng paru- paru, bangke liyu masasah, dadi maembahan getih, pada luyu, enggalan peteng mamelat.
269. Ne masiat pada piak, makiles mangenjuh ori, pada ia mangung- si pondok, pada liyu nandang kanin, wang Pamamoran sami, petane dadi mambukbuk, bilang apondok-pondok, ngaku liyu
109
