143
13. Sampun lintang sandikala, peteng bulane nulurin, twara kanten paran- paran, kewala gumuk kaaksi, samar-samar kapanggih, saru ring ebet nga- rembun, ring pamuune kaungsiang, ring tengah setrane sepi, gelis rauh, Ni Dukuh raris madabdab,
XXXIV. PUH GINADA
1. Matimpuh laut ngregepang, nyembah mider kiwa mangkin, wus nyem- bah masuku tunggal, mamusti mengembus bayu, sedek ngregep peteng tang rat, angresresin, cihnannya dahat apurbwa.
2. Gagak ngagalok tan pegat, tangis alon mananggurin, ngiskis kalawan ka- tekan, asune mangulun-ulun, kupu-katupuh lan swalak, yeg mamunyi, dadi bango lan cegingan.
3. Mangkin crita meseh rupa, rupa rangda tultul rakrik, apeluk lintang agengnya, landungnya kalih panyujuh, rambut putih nyapuh jagat, siung asalit, untu ngrede tonggos panjang.
5. Jati mangeresin manah, maodak mabasma getih, masalimpet basang wa- yah, mabapang antuk paparu, makakudung jejaringan, sekar ati, mage- lang ia antuk limpa.
6. Tur nylep lidahe panjang, pangaksiane barak ngendih, ragane rengreng makenyah, medal endih bilang buku, saking cangkem irung karna, bega malin, endihnyane malegendah.
6. Ngakak kedek ngagem pedang, kepuh randu kaslelegin, mijil endih irung karwa, putih kadi umbul-umbul, ring pabahan mancawarna, nyucuk langit, saking netra muncrat barak.
7. Malih mesat manggagana, sisia katiga mangiring, Nilapaksa endih kem- bar, selem kadi pajeng iku, Swetagana Sungsangjenar, putih kuning, endih kadi mamas bandrang."
8. Tan crita sang ring gagana, Ni Dukuh lan sisia trini, kacrita Ni Panca- puspa, ne ring Mladprana matur, "Inggih dewa inggih pirengang, tur pi- nehin, atur pikeling i nista.
9. Mangkin ratu mangda yatna, yan ampah pakewuh panggih, masatru ring Dukuh Sakti, wireh saktinya ngalangkung, nawut jiwa twara pindo, ipun uning, masalin rupa ping sapta.
10. Malih sisiane tatiga, sakti pananggennya luih, Sungsangjenar Tangting Emas, Ni Swetagana puniku, sarin ing pudak sategal, Nilapaksa, Sarasija- kusuma ika.
