Kaca:Geguritan Mladprana.pdf/148

Saking Wikisource
Kaca puniki kavalidasi

144

11. Punika yatnanin dewa, dabdabang mandannya pasti, magutin Ni Dukuh Saktia, napi pacang anggen magut, bawosang dumun pastika, pang da pelih, blegbegan kasep matingkah."

12. I Mladprana nyangga mojar, "Liwat patut bawos nyai, sayang dadi nir- don pisan, krana ban beline dusun, pojol mangandelang titah, twah mamesik, dasarin ban ening manah,

13. Wireh beli ningeh orta, yan sakti malampah rusit, kocap tan dadi yo- wana, sakadi Raniakasipu, sakti polih panugrahan, twara mati, antuk ing sarwa sanjata.

14. Muah tan pejah dening dewa, raksasa manusa sakti, ban rusuhnya dadi pejah, tan manusa dewa iku, tan sanjata detia yaksa, ngranang mati, ban kukun Hyang Narasinga.

15. Ento ia nyinahang pisan, ne angkara ngusak-asik, rusuh Ida Sang Hyang Wenang, ane darma pageh patut, asih ring sadu muang jagat, ika jati, lugrain ida kayasan.

16. Krana sedang pageh mlajah, musuh di raga siatin, yan kalah musuh di raga, ne di sisi sinah nungkul, krana to saratang pisan, maminehin, sai gulik peteng lemah.

17. Reh i dewek kicon mata, mula katuduh ngenotin, nanging tan kicen ngiwasang, samalih kaicen bungut, katuduh ia mangucap, ia sing dadi, mamunyi miwah mangamah.

18. Kicen kuping nggen ningehang, anging tan kalugra miarsi, ada batis nggen majalan, nanging tan kicen lumaku, kicen lima anggen nyemak, yaning dadi, limane ento jemakang.

19. Ento pinehin tatasang, nake buka beli nyai, apang eda garing gingan, tabah takut tan paunduk, reh laksana kadi binian, pacang bukti, uli idup kayang pejah.

XXXV. PUH DEMUNG

1. Patut pisan pelapanin dadi jadma, eda langgia ring sang Wiku, makadi ring bapa ibu, da pati cacad-cacadin, nabuh munyi eda bangras, miwah lamis tur mamisuh, to makadi kasukan, mangrawos makisi-kisi, iri drenggi cinging pangpang, jela teken anak lacur.

2. Eda pisan ngipik nyingid mangupaya, mangawenang anak lacur, ngu- lurin tresna lulut, eda pedih gagle mekin, eda teleb ngaresepang, pine hin pastika malu, da gedeg madingehang, pitutur kidung kakawin, miwah wariga agama, reh to suluh iwang patut.