113
2. Ni Jangga Ketaki manis alon angucap, "Yan sampun titah ing widi, ken-
kenang ngelidang, margi durusang masucian, ring Gangga tungtung ing
asih." I Mladprana, turut tan purun nulakin.
3. Pamargine tan caritanan di jalan, Dirantaka crita mangkin, masaserep
murang lampah, dadi kacunduk i rika, "Ne ko Ni Jangga Ketakia, ba-
reng Mladprana, uling i pidan ban ngalih.
4. Dosan iba munggelin anak magelan, tendas ba anggon masilin, yan cai
takut pejah, sumbah kai pang tlung atak, tlapak batisku silapin, yan
tuhu wira, unus keris mu pang gati.
5. Ne tebekin pilihin yan di tengkah, takut ngarep uli duri."I Mladprana,
mandep nyingsetang awak, Dirantaka ngariinin, nuek ban kadga, Mlad-
prana sebet nagkis.
6."Bagia kai jani kacunduk ring iba, urip ibane tangarin, ne jani taurang
daing iba liwat dosa, mai lakun iba mlaib, masa ke luputa, punggalane
aba mulih."
7. Ni Jangga Ketaki jejehe magetoran, Mladprana kaglantingin, tangan-
nyane kiwa, "Eda beli ngutang titiang." Mladprana muwus aris, "Rewed
ban titiang, samping ang ragane Adi."
8. Jangga Ketaki pisreng tur angucap, "Mangda titiang sareng beli, urip
yadian pejah, apang da kena kajarah." Mladprana nuli nyabit, bas rewed
pisan, tuara dadi ban nangkisin.
9. Dirantaka iri manah muwuh erang, kroda ngetahasa mangkin, ngaruket
sahasa, Mladrpana karewedan, palane ring kiwa keni, mangawalesang,
mangenanin ulun ati.
10.Dirantaka betel ulun atine kena, getih muncrat laut mati, ia I Mladpra-
na, tatune kalintang rahat, narebes rahnyane mijil, macepol kalesuan,
niwang layu nesnes gading.
XV. PUH DEMUNG
1. Ni Ketut Oka manyerit nyaup nyundang, "Aruh kudiang titiang ratu,
dadi beli las lampus, elingang ragane gusti, sasadin yeh matan titiang,
pusungan titiange embud, benahin ja becikang, sampunang ngidem i
gusti, tidong aksi ratu titiang, wencananin pangerumrum.
2. Engken kelemuhan i gusti nyiksik ngaras, murup sepah tur mangelut,
