28 . Jalan tututin titiang ne mangkin, titiang mulih ka Ambaramadia, tan pagawe dini reke, ni rangda saur alus, titiang ngiring sapati urip, diastu pacang jele melah, yan sampun iratu, titiang tan panjang pangerasa, raris mijil sareng tatiga lumaris, sampun rauh di taman.
29. Rahaden Dewi sampun cumawis, dening sampun I Sentul ngaturang, yan rakane rauh reke, Raden Mantri nabda arum boya nunas ratu mamargi, tedun raja juita, mangeraris manyaub, duh dewa boya madya, titiang malih kapanggih reke ring beli, aduh wus tan pahatma.
30. Ni Rasadria munyine manis, sampun dewa manjangang pangeras, nunas mamargi gelisang ndan ta sami lumaku, pamargine tan nolih uri , carik abian kalintang, wus rauh ka gunung, manuju kaja mamarga, karainan sampun di alase singit, tong taen entasin anak.
31. Kacarita reke di nagari, di Malaka wus katur supeksa, tuan Galuh ilang latrine, raden kalangkung bendu, I Megantaka nutug gelis, watara ngiring satak, saha sikep ipun, pada tur negakin jaran, pada desan telas rawu sami kapinggir, malih tan wenten pisan.
32. Sami tulak raris ka nagari, Raden Megantaka lintang duka masih tan tuna kayune, wenten parekan matur, nene ibi titiang manggihin, I Sentul makeruna, ring tamiune bagus batang titiang tuah punika, manginggatang dening tan wenten iriki, i balu kawan ia ilang.
33. Tan kacarita ida Raden Mantri, Megantaka sampun ka jero pisan, tan mari selang kayuna, menggah akecap mungu, kacarita nene mamargi, wenten wus tigang dina, anuli wus rauh, sami di Ambaramadya, nagara kandeg ida di taman sari, ngojog ka bale danta.
34. Irika malinggih sang apekek, makakalihan lan raja juita, panunggun tamane reke, kesengan sampun rawuh, sarauhi pada mangeling, duh dewa susuhunan, manguda iratu lalis san maninggal desa, Raden Mantri ngandika wacana manis,
91
