kadung nira kendeman.
35. Kema pedemane pada gelis, kakebatang sing rusak benahang, umah meten bale gedene, luh muani sami gupuh, makakebat pasaren pasti, sampun ngandika, dewa ayu nunas maturu ne mangkin tuan dewi raris tedunan.
36. Adi Ayu bareng lawan bibi, jumah meten I Sentul I Angsoka, sareng di Bale gedene, pada masaur alus, titiang lintang rauh sairing, sami mangungsi genah, tuan Mantri wus mantuk, munggah ka pasaren anyar, lan tuan dewia, pasarene mapulilit, kalih kaperanancita.
VI. PUH SINOM
1. Duh ratu atma juita, rasanya tuara kapanggih, i manik malih ring titiang, pangidep titiange gusti, buka manggihin manik, reke ne di tengah laut, tan mangerasanin rusak, lan katutugan di margi, makaronan, laywan mateng paran-paran.
2. Duh mas mirah galigiran, dewaning madu jaladi, tan lenan i mirah dewa, magantung-gantung di hati, tan sah sumelaping liring, ayune manudut kayun, dija ha anak pada, diastu mangambah banawi, acak desa, sadesa tong duga pada.
3. Ayune mangayang-ngayang, luir i Rangkesari ngupti, durusang ugi mas manik, manjakang wong kasyasih, kasuan sedih ulangun, titiang ngaturang awak, sakayun idewa manik Raden Galuh, manangis sawang prayatna.
4. Wekasan ida ngandika, ne mangkin yan kapisinggih, titiang naweg tuah mamindah, benjangan titiang mangiring, dening kaleson gati, rasa kadi tan pabayu, pamargine bas kadohan antosang ugi ne mangkin sapa sira, malih pacang maneruwenang.
5. Diastu ping pitu manjadma, apang masih jua kapanggih, sapuniki makaronan kadi ulun kapitui, Raden Mantri maperih, misreng manglukarin sampun kalukaran tang wastra, sinjange tuara da kari, damar murub nyelehin raga gumiwang.
6. Madiane meros ngalunggang, manyuhan lempung gading,
92
