matur teken Ida Raden Mantri,
"Belig Mantrig, Belig Mantrig, sirag nikag entog nunug. Dadi aeg jag uyutneg. 'I'usig dadig puleg tiag". Ngandika Ida laden Mantri,
"I Adi Galuh ento nunun, anak Ida ngaryanang okane wastra jenenga."
"Lamug kenteg, merikag tundeg suug i Embog Galuh nunug, apag maag tiag puleg!
"Ah, dadi teka tra baang anake nunun? Yen keto, sing ya pelih I Dewa. Anak nunun di purinne dadi nagih tra baang."
"Ag tiag sig nyag Belig Mantrig. Lamug Belig Mantrig sig nyag nundeg Embog Galug apag suug nunug, tiag lakag magedig ulig dinig." Dening Ida H.aden Mantri nu buduh kayunne teken I Galuh Liku, tur ida takut kakaonin, dadi medal ida ngrereh Raden Galuh, kendikaang mararian nunun. Raden Galuh sajaan kone usan nunun dening ida takut lakar magenjalan teken rakanidane. Dugase ento sing kone Ida Raden Mantri Anom di purian, sedekan ida di jaba. Mara ida tusing mireng suaran cagcag, neglisang raris ida ngapuriang, kapanggih biange nangis di pameremanne. Matur Ida Raden Mantri Anom,
"Ento dadi Atu Biang nangis, kenapa sih?" Ndikaanga raris ring biange, ida tusing icena nunun ring ajine. Matur buin Ida Raden Mantri .Anom,
"Merika te sampun nunun kewanten, Atu biang! Aget tiang ten deriki. Yan tiang deriki dugase Atu biang ten icena nunun teken i aji, kadong koya masiat lakar lawan tiang i aji. Nyen ya nunden, sajawining I Liku. Nah apang melah-melahanga ngrumrum I Liku." Pangandikan okane keto, pirenga kone teken I Raden Mantri. Dadi sing kone purun buin Ida Raden Mantri nombaang Ida Raden Galuh nunun. Jani critaang suba tutug abulan pitung
dina I Galuh Liku ditu, ilang lantas gunanne dadi sesapi putih makeber ngaja kanginang. Bodo kone jani cingakina I Galuh Liku, teken Ida ltaden Mantri. Ditu lantas ida ninjak I Liku antuk bendun idane nyingak I Liku tur ida ngandikain ·i patih, kandikaang ngered I Liku. I Patih anak kemulan dane gedeg teken I Liku, ngenggalang lantas dane ngambil tali tur lantas briguna I Liku. Sasubanne mabrigu ereda lantas abana ka grembengane laut entunganga. Mati lantas I Liku. Ida Raden Mantri Anom nyingak I Pa
52
