gen kone ia di paon. Dadi gedeg kone I Galuh Liku tur penyeroane nagih lempaga aji saang. Malaib lantas panyeroane ka jabaan. Cingakina lantas antuk Ida Haden Mantri Anom panyeroane babang malaib. Mataken lantas Ida Raden Mantri Anom,
"Ih Nyai panyeroan, to ngudiang dadi Nyai malaib?" Apa palaibin Nyai?" Dadi aturanga: teken i penyeroan, buatne ia nagih lempaga teken I Galuh Liku aji saang. Beh apa kaden bendunne Ida Raden Mantri Anom mara ida mireng atur panyeroan buka keto. Ngandika raris ida,
"Beh i panyeroan, dadi jelema tetekaan sih baang ngalahang, nagih-nagih ngedenang tendas dini. Kema kaukin ia I Liku tunden pesu liwat panyengker, lamun sing masibak tendasne I Liku aget ya!" Pangandikan idane keto dingeha teken I Galuh. Baan takutne teken Ida Raden Mantri Anom ngenggalang lantas I Liku macelep ka gedongan, tur aturanga unduk dewekne nagih sibaka teken Raden Mantri Anom. Ngandika lantas Ida Raden Mantri,
"Sangkan da I Dewa degag-degag, pianak tiange anak tuara takut teken nyen-nyen. Ngawag-awag nyen I Dewa ngraos katekan sajaanga I Dewa". Uli sekat ento suud kone I Liku ka paon. Jani apa ja aturina teken penyeroane, keto dogen kone ajenganga.
Critaan jani Ida Raden Galuh makayun ida mantuk dening meweh idane klangkung makayunin indik rakane keto. Mara ida ngandikaang lakar mantuk teken okane, sing kone ida aturina. Matur okane,
"Atu Biang, ngudiang Atu Biang makayun mantuk. Dadi nyak Atu Biang teka kalahang jelema keto. Cendek atur tiang ring Biang, lamun kari tiang idup, da pesan Atu Biang mantuk. Driki Atu Biang malinggih, makayun ja Atu Biang nunun napi to, nunun ja. Inggih napi ja sampun senengin karyane, makarya Atu Biang sampunang Atu Biang keweh-keweh. Tiang te nika cingakin, taen kenten tiang mesuang yeh paningalan. Masan anak madaar tiang madaar, masan anak kayeh, tiang kayeh. Tiang sing ja ngrunguang i aji apa nyen. Ditu len ditu, dini len dini. Inggih te menengang dogen ragan Atu Biange, sampunang Atu .biang nangis kewanten. Ane kenten-kenten jene sungsutang, belog Atu Biang yen kenten Uli sekat keto atur okane Ida .ttaden Galuh seleg ngambil karya. Peteng lemah kone ida nunun, ngaryanang okane wastra. Mara I Galuh Liku ningeh munyin cagcag, gedeg kone ia, tur ia lantas
51
