2.2 I DEMPU AWANG
2.2.1. Teks
I Dempu Awang
Kacrita ada kone tuturan satua Ida Sang Prabu Daha madue putra tetiga, lanang kekalih istri adiri. Kari alit-alit putrane maka tetiga, raris ida kalimburan. Ulihan patuduh I Limbur, Ida Sri Prameswari kategul di batan pedeman siapa tan kaicen ajengan muah putrane makatetiga kakutang di tengah alase masi sing kicen mekelin apan-apan. Dening Ida Raden Galuh sedeng telesa masusu, dadiannya ngengkek dogen kone ida nangis kemban antuk rakane makakalih.
Kacrita I Dukuh Sakti sedek dane nglindeng, dingeha kone anak cerik ngeling, lantas jagjagina kone kemo . Teked ditu lantas I Dukuh matakon,
"Cening, Cening nyen ngelah panake, nyen kajak mai dadi paturu cerik dini?" Ditu lantas Ida Raden Mantri ane paling duura nuturang indik ragane kakutang antuk Sang Prabu. Mara keto kangen pesan kone I Dukuh teken anake alit, lantas duduka ajaka ka jeroan, lantas aturina ajengan. Ida Raden Galuh reh ida nu masusu, alihanga kone empehan kidang, ento kone ida aturina. I Dukuh kliwat sayang kone teken anake alit, reh dane tusing madue oka muah rabi. Raden Mantri ane duuran parabina Raden Smarajaya, ane alitan Raden Jayasmara, muah ane istri Raden Galuh Argamanik.
Gelising satua kasuen-suen, di subane pada duur, nuju peteng lantas I Dukuh matur teken Raden Mantri makakalih muah Raden Galuh,
"Dewa-dewa Raden Mantri kalih muah Raden Galuh, mangkin I Dewa sampun sami duur, titiang mangkin mapamit ring I Dewa sami, titiang pacang moktah ka suniatan, sampunang I Dewa sami angen-angen ring titiang. Yening titiang sampun makaon, sampunang I Dewa kari malinggih iriki, merika rereh biang I Dewana. Biang I Dewana sampun kiris pisan, malih prabun biang I Dewane mabejug tain siape sakadi kuskusane. Irika ring pasisin alase puniki sampun cawisang titiang I Dewa prau mas madaging sarwa mule, miwah kaula katah, punika praune linggihin ngrereh ida i biang. Maliha titiang ngaturin I Dewa lalang akatih miwah
27
