lunta-lunta reke pamargan I Galuhe, tan sangkaning misadia las ida ngojog sig linggih idane I Mantri Koripan. Kesiab I Galuh nyingak mingsikine tan pamampuh makitian, otenge gede mredidig kangen reke I Galuh. Mara ulede ento ningeh indik panyungkan I Mantrine lantas ia matur teken I Galuh,
“Inggih Ratu Raden Galuh rarisang borbor titiang, aun titiange anggen tamban I Raden Maniri, janten ida pacang kenak.”’
Gelising satua lantas ulede ento kaborbor teken I Raden Galuh, aunne kaadukin yeh lantas kaaturin I Mantri apanga ngrayunang. Mara I Mantri ngrayunang lolohe ento, prajani pesu kone bangken lelipine kayang panak-panakne. Ditu lantas I Mantri kapatiningin teken I Galuh kanti kenak jati mula.
Critaang jani mireng kone Sang Prabu di Koripan teken okane suba kenak, lantas kapangandikaang mamendak ka alase. I Raden Mantri kairing baan I Raden Galuh suba kone jani tulak ka Koripan kasanggraha antuk aji biang surine. Ento sangkannya kayang jani anake tuara dadi nyeret yeh pancoran, wiadin misbisin kapas ri kala Tumpek Wayang.
261
