2.157 MICA
2.15.1 Teks
I Mica
Venten katuturan satua, Ida Sang Prabu ring Daha madrebe putra asiki mapesengan Dewa Agung Putu. Kacrita Prameswarin Dewa Agung ri sedekan wengi nyumpena, nyumpenaang jagi madrebe putra istri. Reh asapunika dados mabaos ida ring rakane,
“Inggih Beli Agung, Beli Agung, dadi tiang ngipi dibi sanja’”. Ngandika Ida Sang Prabu,
“Nah ento kenken dadi ipian Adine?” Masaut Prameswari,
“Titiang ngipi dadi bakal ngelah panak luh, tur kasabdain antuk Ida Betara mangda titiang matapa ring gunung. Kanikaang drika manunas ring Ida Betara panak luh’’.
“Nah yen keto Adi Ayu, nah lautang jalanang ento!”’ Kacrita mangkin sampun makarya tipat kelanan miwah daksina. Reh sampun puput banten punika, raris mamargi ri kalaning wengi sareng kalih lanang istri ka pura ring gunung, ngraris ida drika ngaturang punika bantene, manguntap Ida Dewa drika.
isacrita ngandika Ida Betara sane mangkin ring bala bulunidane, minakadi I Kebo sane kanikain. Lian ring punika makeh bala pbulun duene, I Klabang. I Pangiris, I Talenan. Ngandika Ida Betara,
“Nah iba bala bulun kai ajak makejang, kena iba tuun, goda Ida Sang Prabu teken Prameswarine! Apa pageh ida yen kapo tan pageh”. Kacrita mangkin tedun bala bulun duene puniki, sami raris ngoda Ida Sang Prabu, kalih Ida Dewa Agung Istri. Sasampune kenten ten mrasidaang bala’ bulune ngoda, santukan pageh idane makakalih. Raris matulak punika sami pedek ring Ida Betara. Reh asapunika, kacrita Ida Betara, tedun ne mangkin, jaga nyabdain Ida Sang Prabu, kalih Prameswari. Sasampune drika, dados kacingak antuk Ida Betara, [da Sang Prabu Sang Prabu lanang istri mlinggih, kenginan drika Ida Betara ngandika,
‘Nah Dewa Nanak Ayu, apa sadian I Dewana?”’ Raris matur sang kalih punika,
“TInggih Paduka Betara, wenten lungsurang titiang akedik, kenginan titiang’ nglungsur mangden titiang ngelah panak luh’’. Dados ngandika Ida Betara,
244
