ngalih biu apang kapahan mai’. Keto kone kenehne I Lutung, tur lantas ia mulihan, majalan sambilanga nulengek ngiwas iwasin biune ane paling nasaka. Dening ia majalan nulengek, tusing nota jeete bakat terjaka. Kena lantas I Lutung jeet, aeng krejatanne mabudi ngelesang, enggalan teka lantas I Rangsasa.
“Ne bangkaan I Lutunge sai-sai mamaling biun awake, beneh lesag baana. Jani taanang tendas ibane, bakal anggon tetimbungan tendasne, cicing tetenan”’. Ditu ngeling I Lutung ngidih urip teken I Rangsasa.
“Tiang ngidih urip Kaki, kaden tiang sing Kaki ngelah biune ene. Sangkan tiang sai-sai ngalih biu mai, anak tiang ngalihang Raden Galuh”.
“Dija Raden Galuh?” Keto abetne I Rangsasa. Lamun nyak ja nyai nyerahang Raden Galuh teken Kaki, Kaki nyak ngelesang nyai.”
“‘Negih, kuala jani Raden Galuh nu alit, tiang ngubuhin malu. Buin pidan Jamun suba duur, ditu mara bakal baang Kaki. Yan jani Kaki nagih nadah I Raden Galuh, dadi seletan gigin Kakine dogen kuangan”.
“Nah keto ja keto. Kuala melahang pesan men ngubuhin’’.
“‘Nggih’’. Lebina kone lantas I Lutung.
“Kaki, Kaki. Keto abetne I Lutung, dong baang tiang ngidih baas, bakal tepeng, bakal aturin I Raden Galuh pang enggal mokoh. Payuk icang baang”. Baanga lantas I Lutung baas teken payuk. Be, magregohan kone I Lutung nyuun payuk misi baas.
Kacrita suba teked jumahne, matakon kone Raden Galuh.
“Beh, Meme Lutung, dadi mara Meme teka, to apa suun Meme?’’
“Baas Ratu Dewa Ayu’’,
“To dija Meme maan baas’’.
Drika ring umah I Rangsasane. Napi das-dasan tiang lacur, titiang keni jet i tuni, irika. Yen titiang ten ngakuang Cokor I Dewa, meh titiang tampaha, antuk I Rangsana’’.
“Be, dadi nira akuang Meme nira lakar panebus urip Memene. Nira mati lakar tadaha ban I Rangsasa’’.
“Tan wenten Ratu Dewa Ayu, I Rangsasa jaga belog-belog titiang. Sampunang ja Cokor I Dewa sangsaya, ten durus punapi Cokor I Dewa pacang dados tetadahan I Rangsasa. Titiang ngawe-
220
